Текширувлар давомида:

- 2022 йил 30 ноябрь куни соат 01:00 ларда Тошкент шаҳар, Янгиҳаёт туманида хизмат олиб бораётган ЙПХ ходими Ф.Амиров томонидан "Nexia" русумли автомобиль тўхтатилиб, холис ва гувоҳлар иштирокида текширилганда, йўловчи, 2000 йилда туғилган Н.Р.нинг ёнидан "зажигалка"га ёпиштирилган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Н.Р. ва топилган модда Янгиҳаёт тумани ИИО ФМБга топширилган.

- 2022 йил 1 декабрь куни соат 11:30 ларда Тошкент шаҳар, Бектемир туманида хизмат олиб бораётган ЙПХ ходимлари Д.Пайзиев ва Б.Ниғмоновлар томонидан "Matiz" русумли автомобиль тўхтатилиб, холис ва гувоҳлар иштирокида текширилганда, ҳайдовчи, 1972 йилда туғилган Р.С.нинг ёнидан қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро Р.С. ва топилган модда Бектемир тумани ИИО ФМБга топширилган.

- 2022 йил 1 декабрь куни соат 23:50 ларда Тошкент шаҳар, Янгиҳаёт туманида хизмат олиб бораётган ЙПХ ходимлари Б.Абдураимов ва Ф.Амировлар томонидан "Spark" русумли автомобиль тўхтатилиб, холис ва гувоҳлар иштирокида текширилганда, ҳайдовчи, 1976 йилда туғилган К.С.нинг ёнидан қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро К.С. ва топилган модда Янгиҳаёт тумани ИИО ФМБга топширилган.

Йўлларда текширувлар давом этмоқда...