YPX xodimlari tomonidan tekshiruvlar davomida:

- 2023-yil 3-yanvar kuni soat 03:40 larda Toshkent shahar, Bektemir tumanida xizmat olib borayotgan YPX xodimi D.Payziyev tomonidan “Lacetti” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1982-yilda tugʻilgan Q.Q.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Q.Q. va topilgan modda Bektemir tumani IIO FMBga topshirilgan.

- 2023-yil 3-yanvar kuni soat 23:50 larda Toshkent shahar, Chilonzor tumanida xizmat olib borayotgan YPX xodimlari N.Jumanazarov va A.Tojiyevlar tomonidan “Equinox” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1994-yilda tugʻilgan D.R.ning yonidan qogʻozga oʻralgan va gugurt qutilariga solingan, yashil rangli, oʻtkir hidli, quritilgan oʻsimlik moddalari topilgan.

Mazkur holat yuzasidan tegishli hujjatlar rasmiylashtirilib, fuqaro D.R. Chilonzor tumani IIO FMBga topshirilgan.

- 2023-yil 4-yanvar kuni soat 00:40 larda Toshkent shahar, Bektemir tumanida xizmat olib borayotgan YPX xodimlari N.Dosimov va J.Toʻrayevlar tomonidan “Cobalt” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1988-yilda tugʻilgan M.M.ning yonidan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.M. Bektemir tumani IIO FMBga topshirilgan.

- 2023-yil 4-yanvar kuni soat 01:40 larda Toshkent shahar, Uchtepa tumanida xizmat olib borayotgan YPX xodimlari E.Yoʻldoshev va O.Roʻziboyevlar tomonidan, TXAY koʻchasi boʻylab harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1996-yilda tugʻilgan J.N.ning yonidan selofanga solingan, oq rangli, oʻtkir hidli, kukusimon modda va 2 dona “Tropikamid” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro J.N. va topilgan vositalar Uchtepa tumani IIO FMBga topshirilgan.

Yoʻllarda tekshiruvlar davom etmoqda...