Tekshiruvlar davomida:

- 2023-yil 11-fevral kuni soat 12:20 larda Toshkent shahar, Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari S.Begmatov va B.Nazirxodjayevlar tomonidan “Malibu” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1988-yilda tugʻilgan X.B.ning sumkasidan yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro X.B. va aniqlangan modda Yangihayot tumani IIO FMBga topshirilgan.

- 2023-yil 11-fevral kuni soat 11:50 larda Toshkent shahar, Bektemir tumanida xizmat olib borayotgan YPX xodimlari A.Poʻlatov va M.Sharipovlar tomonidan haydovchi, 1978-yilda tugʻilgan M.A. boshqaruvidagi “Spark” rusumli avtomobil toʻxtatilib, xolis va guvohlar ishtirokida tekshirilganda avtomobil salonidan selofanga oʻralgan, jigar rangli, oʻtkir hidli, saqichsimon modda topilgan.

Tegishli hujjatlar rasmiylashtirilib, fuqaro M.A. va aniqlangan modda Bektemir tumani IIO FMBga topshirilgan.

Yoʻllarda tekshiruvlar davom etmoqda...