Текширувлар давомида:

- 2023 йил 11 февраль куни соат 12:20 ларда Тошкент шаҳар, Янгиҳаёт туманида жойлашган “А.Турбанов” ЙПХ масканида хизмат олиб бораётган ЙПХ ходимлари С.Бегматов ва Б.Назирходжаевлар томонидан "Malibu" русумли автомобиль тўхтатилиб, холис ва гувоҳлар иштирокида текширилганда, ҳайдовчи, 1988 йилда туғилган Х.Б.нинг сумкасидан яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро Х.Б. ва аниқланган модда Янгиҳаёт тумани ИИО ФМБга топширилган.

- 2023 йил 11 февраль куни соат 11:50 ларда Тошкент шаҳар, Бектемир туманида хизмат олиб бораётган ЙПХ ходимлари А.Пўлатов ва М.Шариповлар томонидан ҳайдовчи, 1978 йилда туғилган М.А. бошқарувидаги "Spark" русумли автомобиль тўхтатилиб, холис ва гувоҳлар иштирокида текширилганда автомобиль салонидан целлофанга ўралган, жигар рангли, ўткир ҳидли, сақичсимон модда топилган.

Тегишли ҳужжатлар расмийлаштирилиб, фуқаро М.А. ва аниқланган модда Бектемир тумани ИИО ФМБга топширилган.

Йўлларда текширувлар давом этмоқда...