Tekshiruvlar davomida:

- 2022-yil 28-avgust kuni soat 18:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va B.Nugʻmonovlar tomonidan, Toshkent viloyatidan poytaxtga kirib kelayotgan “Isuzu” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1986-yilda tugʻilgan S.M.ning qoʻl telefoni gʻilofi orqasidan, selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.M. va topilgan modda Bektemir tumani IIO FMBga topshirilgan.

- 2022-yil 28-avgust kuni soat 21:20 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari I.Manbetov va Sh.Xolnazarovlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1993-yilda tugʻilgan Z.A.ning sumkasidan, pichoq hamda qogʻozga oʻralgan, yashil rangli, oʻtkir hidli, quritilgan oʻsimlik moddasi va 10 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro Z.A. va topilgan vositalar Bektemir tumani IIO FMBga topshirilgan.

- 2022-yil 28-avgust kuni soat 22:20 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimi X.Xalilov tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1990-yilda tugʻilgan F.X.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro F.X. va topilgan modda Yunusobod tumani IIO FMBga topshirilgan.

- 2022-yil 29-avgust kuni soat 02:10 larda, Yashnobod tumanida xizmat olib borayotgan YPX xodimlari O.Isakulov va B.Axmedovlar tomonidan, M.Ulugʻbek koʻchasi boʻylab harakatlanib kelayotgan, haydovchi, 1998-yilda tugʻilgan L.I. boshqaruvidagi “Hyundai” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 12 dona selofanlarga solingan, oq rangli, oʻtkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, haydovchi L.I. va topilgan moddalar Yashnobod tumani IIO FMBga topshirilgan.

- 2022-yil 28-avgust kuni soat 17:10 larda Yashnobod tumanida joylashgan “Choʻlpon” blok-postida xizmat olib borayotgan YPX xodimlari K.Ikramov va O.Zokirovlar tomonidan, Toshkent viloyatidan poytaxtga kirib kelayotgan, haydovchi, 1982-yilda tugʻilgan A.U. boshqaruvidagi “Lacetti” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.U. va topilgan modda Yashnobod tumani IIO FMBga topshirilgan.

- 2022-yil 29-avgust kuni soat 00:30 larda, Yakkasaroy tumani, Sh.Rustaveli koʻchasida xizmat olib borayotgan YPX xodimlari J.Farmonov va A.Soriyevlar tomonidan, “Lacetti” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1991-yilda tugʻilgan B.A.ning yonidan gugurt qutisiga solingan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro B.A. va topilgan modda Yakkasaroy tumani IIO FMBga topshirilgan.

Yoʻllarda tekshiruvlar davom etmoqda...