Tekshiruvlar davomida:

- 2022-yil 17-noyabr kuni soat 10:00 larda Toshkent shahar, Bektemir tumanida xizmat olib borayotgan YPX xodimlari Sh.Xikmatov va M.Sharipovlar tomonidan haydovchi, 2000-yilda tugʻilgan M.Z. boshqaruvidagi “Labo” rusumli avtomobil toʻxtatilib, xolis va guvohlar ishtirokida tekshirilganda avtomobil yukxonasidan selofanga solingan, tarkibi va nomi nomaʼlum boʻlgan dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro M.Z. Bektemir tumani IIO FMBga topshirilgan.

- 2022-yil 17-noyabr kuni soat 09:50 larda Toshkent shahar, Bektemir tumanida xizmat olib borayotgan YPX xodimlari I.Djumaboyev va R.Tilepovlar tomonidan haydovchi, 1980-yilda tugʻilgan A.A. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan gugurt qutisiga solingan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va topilgan modda Bektemir tumani IIO FMBga topshirilgan.

- 2022-yil 19-noyabr kuni soat 02:00 larda Toshkent shahar, Bektemir tumanida xizmat olib borayotgan YPX xodimlari B.Turgʻunboyev va Y.Olimovlar tomonidan, X.Bayqaro koʻchasi boʻylab harakatlanib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1995-yilda tugʻilgan L.K.ning yonidan 4 dona “Tropikamid”, 4 dona “Regapen” nomli psixotrop dori vositalari hamda selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro L.K. va topilgan vositalar Bektemir tumani IIO FMBga topshirilgan.

Tekshiruvlar davom etmoqda...