2022-yil 22-iyul kuni soat 01:50 larda Toshkent shahar, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va B.Nug‘monovlar tomonidan, Toshkent viloyatidan poytaxtga kirib kelayotgan "Spark" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 1982-yilda tug‘ilgan J.Y.ning sumkasidan zar qog‘ozga o‘ralgan, yashil rangli, o‘tkir hidli, quritilgan o‘simlik moddasi hamda selofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro J.Y. va topilgan moddalar Bektemir tumani IIO FMBga topshirilgan.

Tekshiruvlar davom etmoqda...