2022-yil 2-avgust kuni soat 22:10 larda Shayxontohur tumanida joylashgan “O‘zbekiston” blok-postida xizmat olib borayotgan YPX xodimi B.Yusupov tomonidan, Toshkent viloyatidan poytaxtga kirib kelayotgan, haydovchi, 1991-yilda tug‘ilgan Q.Z. boshqaruvidagi "Matiz" rusumli avtomobil to‘xtatilib, xolis va guvohlar ishtirokida tekshirilganda, salonidan 1 dona gugurt qutisiga solingan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro Q.Z. va topilgan modda Shayxontohur tumani IIO FMBga topshirilgan.