Joriy yilning 6-iyul kuni soat 03:45 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari F.Djurayev va B.Nugʻmonovlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilgan vaqtda salonda boʻlgan yoʻlovchi, 2001-yilda tugʻilgan A.T. koʻrinishidan xodimlarda shubha uygʻotgan. Xolis va guvohlar ishtirokidagi tekshiruvlar davomida, ushbu yoʻlovchining uyali qoʻl telefoni gʻilofi orqasidan qora selofan parchasiga oʻralgan, jigar rangli, oʻtkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, fuqaro A.T. va topilgan modda Bektemir tumani IIO FMBga topshirilgan.

Yoʻllarda tekshiruvlar davom etmoqda...