2022-yil 31-dekabr kunidan 2023-yil 1-yanvar kuniga oʻtar kechasi soat 01:00 larda Samarqand shahrining “Xoʻja Ahror Valiy” koʻchasida “Mercedes-Benz” rusumli, 01L700OA davlat raqam belgili avtomobil haydovchisi, 1987-yilda tugʻilgan R.A. atrofdagi fuqarolar eʼtiborini jalb etish maqsadida xavfli boʻlishiga qaramasdan turli manyovrlar bilan “drift”lar bajargan. Jamoat joyida yurish-turish qoidalarini buzganligi yetmagandek, uni tartibga chaqirishga uringan xodimlarning ham qonuniy talablariga boʻysunmagan.

Yuqoridagi holatlar boʻyicha toʻplangan hujjatlar bugun, 2023-yil 3-yanvar kuni Jinoyat ishlari boʻyicha Samarqand shahar sudi tomonidan oʻrganilib, fuqaro R.A.ning xatti-harakatlarida Oʻzbekiston Respublikasi MJtKning 183-, 194-modda 1-qism va 195-moddalarida nazarda tutilgan huquqbuzarlik alomatlari mavjud deb topilib, unga nisbatan 15 sutka maʼmuriy qamoq jazosi tayinlandi.

Barcha haydovchilardan belgilangan qoidalarga va tartibga rioya qilishlarini so‘raymiz.