Tekshiruvlar davomida:

- 2022-yil 17-yanvar kuni soat 11:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A.Poʻlatov va D.Payziyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, salonidan qogʻozga oʻralgan, yashil rangli, oʻtkir hidli, quritigan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, haydovchi, 1993-yilda tugʻilgan S.S. va aniqlangan modda Bektemir tumani IIO FMBga topshirilgan.

- 2022-yil 17-yanvar kuni soat 22:20 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va N.Dosimovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 1998-yilda tugʻilgan O.S.ning yonidan, gugurt qutisiga solingan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro O.S. va aniqlangan modda Bektemir tumani IIO FMBga topshirilgan.

- 2022-yil 18-yanvar kuni soat 00:30 larda, Mirzo Ulugʻbek tumanida xizmat olib borayotgan YPX xodimlari D.Axmedov va J.Nigʻmatullayevlar tomonidan, Parkent koʻchasi boʻylab harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 1995-yilda tugʻilgan A.K.ning yonidan selofanga solingan, oq rangli, oʻtkir hidli kukunsimon modda hamda ikki dona 1000 soʻmlik pul kupyurasiga oʻralgan, jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro A.K. va aniqlangan moddalar M.Ulugʻbek tumani IIO FMBga topshirilgan.

Tekshiruvlar davom etmoqda.