Tekshiruvlar davomida:

- 2022-yil 1-mart kuni soat 22:00 larda, Chilonzor tumanida xizmat olib borayotgan YPX xodimi I.Vaisov tomonidan, Gavhar koʻchasi boʻylab harakatlanib kelayotgan “Lacetti” rusumli avtomobil toʻxtatilib, yoʻlovchisi, 1972-yilda tugʻilgan T.M.ning maʼlumotlari planshet moslamasi yordamida, maxsus dastur orqali tekshirilganda, fuqaro T.M. Oʻzbekiston Respublikasi Jinoyat Kodeksining 277-moddasi 2-qismi bilan ayblanib, 2022-yil 31-yanvar kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro T.M. Chilonzor tumani IIO FMBga topshirilgan.

- 2022-yil 2-mart kuni soat 01:00 larda, Uchtepa tumanida xizmat olib borayotgan YPX xodimi B.Yusupov tomonidan, Shirin koʻchasi boʻylab harakatlanib kelayotgan “Captiva” rusumli atvomobil toʻxtatilib, yoʻlovchisi, 1976-yilda tugʻilgan N.X.ning maʼlumotlari planshet moslamasi yordamida, maxsus dastur orqali tekshirilganda, fuqaro N.X. Oʻzbekiston Respublikasi Jinoyat Kodeksining 168-moddasi 4-qismi bilan ayblanib, 2022-yil 22-yanvar kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro N.X. Chilonzor tumani IIO FMBga topshirilgan.

- 2022-yil 27-fevral kuni, Toshkent viloyati, Zangiota tumani, “Quyoshli” M.F.Y. hududida joylashgan YPX nazorat postida xizmat olib borayotgan YPX xodimi O.Sunnatillayev tomonidan, fuqoro, 1989-yilda tugʻilgan X.N.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 4-qismi bilan ayblanib, 2022-yil 12-fevral kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro X.N. hududiy IIBga topshirilgan.

Yoʻllarda tekshiruvlar davom etmoqda...