Poytaxt ko‘chalarida YPX xodimlari tomonidan tekshiruv davomida:

- 2021-yil 21-oktabr kuni soat 02:45 larda Uchtepa tumani, Lutfiy ko‘chasida YPX xodimi A.Nozimjonov tomonidan “Captiva” rusumli avtomobil to‘xtatilib tekshirilganda, salonda bo‘lgan yo‘lovchi, 1995-yilda tug‘ilgan X.M. ko‘rinishi va turli xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruv davomida yo‘lovchi X.M.ning cho‘ntagidan, 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Holat yuzasidan tegishli hujjatlar rasmiylashtirilib, fuqaro X.M. va topilgan modda Uchtepa tumani IIO FMBga topshirilgan.

- 2021-yil 20-oktabr kuni soat 14:55 larda, Bektemir tumani, Ohangaron shoh ko‘chasida YPX xodimlari E.Azimbayev va Sh.Abduraimovlar tomonidan “Epica” rusumli avtomobil to‘xtatilib, haydovchi, 1989-yilda tug‘ilgan I.I.ning ma’lumotlari planshet moslamasi yordamida, maxsus dastur orqali tekshirilganda, fuqaro I.I. O‘zbekiston Respublikasi Jinoyat Kodeksining 168-moddasi 2-qismi bilan ayblanib, 2021-yil 23-sentabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro I.I. Bektemir tumani IIO FMBga topshirilgan.

- 2021-yil 19-oktabr kuni soat 11:50 larda, Chilonzor tumani, Beshyog‘och ko‘chasida YPX xodimlari E.Abdurasulov hamda E.Shukurovlar tomonidan “Damas” rusumli avtomobil to‘xtatilib, haydovchi, 1983-yilda tug‘ilgan I.E.ning ma’lumotlari planshet yordamida, maxsus dastur orqali tekshirilganda, fuqaro I.E. O‘zbekiston Respublikasi Jinoyat Kodeksining 168-moddasi 3-qismi bilan ayblanib, 2021-yil 15-oktabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro I.E. Chilonzor tumani IIO FMBga topshirilgan.

Yo‘llarda tekshiruvlar davom etmoqda.