Tekshiruvlar davomida:

- 2022-yil 2-may kuni soat 08:00 larda, Mirzo Ulugʻbek tumanida joylashgan “Soʻqoq” blok-postida xizmat olib borayotgan YPX xodimi M.Orifjonov tomonidan, Toshkent viloyatidan poytaxtga kirib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1987-yilda tugʻilgan M.Z.ning sumkasidan 13 dona “Tropikamid” va 58 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro M.Z. va aniqlangan vositalar Mirzo Ulugʻbek tumani IIO FMBga topshirilgan.

- 2022-yil 2-may kuni soat 17:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari F.Djoʻrayev va J.Turaboyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, transport vositasidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, avtomobilda boʻlgan fuqarolar va aniqlangan modda Bektemir tumani IIO FMBga topshirilgan.

- 2022-yil 2-may kuni soat 01:30 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari R.Gʻofurov va Sh.Xikmatovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1990-yilda tugʻilgan Sh.X.ning yonidagi gugurt qutisi ichidan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Sh.X. va aniqlangan modda Chilonzor tumani IIO FMBga topshirilgan.

- 2022-yil 2-may kuni soat 22:45 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari R.Gʻofurov va Sh.Xikmatovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1990-yilda tugʻilgan X.M.ning yonidan tegishli hujjatlari boʻlmagan pnevmatik qurol topilgan.

Mazkur holat yuzasidan tegishli hujjatlar rasmiylashtirilib, fuqaro X.M. va topilgan qurol Chilonzor tumani IIO FMBga topshirilgan.

Yoʻllarda tekshiruvlar davom etmoqda...