2021-yil 11-dekabr kuni soat 00.10 larda Olmazor tumanida joylashgan “Mineral suvlar” blok-postida xizmat olib borayotgan YPX inspektori U.Maxkamov, Kinologiya xizmati xodimi I.Uzoqxujayev xamda PPX xodimi S.Bozorovlar tomonidan, Toshkent viloyatidan poytaxtga kirib kelayotgan “Matiz” rusumli transport vositasi to‘xtatilib tekshirilganda, haydovchi 1987-yilda tug‘ilgan A.X.ning yonidan ko‘k rangli selofan parchasiga o‘ralgan hamda yo‘lovchi 1985-yilda tug‘ilgan A.B.ning yonidan sigareta zar qog‘oziga va 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddalari topilgan.

Mazkur holat yuzasidan xolis va guvohlar ishtirokida tegishli hujjatlar rasmiylashtirilib, yuqoridagi fuqarolar va aniqlangan moddalar Olmazor tumani IIO FMBga topshirilgan.

2021-yil 11-dekabr kuni soat 00.30 larda, Bektemir tumanida joylashgan “Sharq” YPX maskanida xizmat olib borayotgan, YPX inspektori F.Djurayev, Kinologiya xizmati xodimi Sh.Abdukodirov xamda PPX xodimlari J.Xo‘jayev va K.Rasulovlar tomonidan, Toshkent viloyatidan poytaxtga kirib kelayotgan “Malibu” rusumli transport vositasi to‘xtatilib tekshirilganda, ushbu avtomashina yo‘lovchilari: X.N.ning yonidan 1 dona konvalutada 6 dona “Tramadol-Lannaxer” nomli psixotrop dori tabletkalari xamda 1980-yilda tug‘ilgan, I.Rning yonidan, selofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan xolis va guvohlar ishtirokida tegishli xujjatlar rasmiylashtirilib, yuqoridagi fuqarolar va aniqlangan moddalar Olmazor tumani IIO FMBga topshirilgan.

Tekshiruvlar davom etmoqda.