Poytaxt ko‘chalarida YPX xodimlari tomonidan tekshiruv davomida:

- Joriy yilning 26-oktabr kuni soat 12:30 larda Toshkent shahar, Bektemir tumanida joylashgan "Sharq" YPX maskanida xizmat olib borayotgan YPX xodimi M.Sharipov tomonidan Toshkent viloyati hududidan poytaxtga kirib kelayotgan "Spark" rusumli avtomobil to‘xtatilib, tekshirilganda salonda bo‘lgan yo‘lovchi, 2000-yilda tug‘ilgan J.R. turli xatti-harakatlari bilan YPX xodimida shubha uyg‘otgan. Xolis va guvohlar ishtirokidagi tekshiruv davomida J.R.ning yonidan "Kent" nomli sigaret qutisi ichidan syellofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli xujjatlar rasmiylashtirilib, fuqaro J.R. va aniqlangan modda Bektemir tumani IIO FMBga topshirilgan.

- 2021-yil 26-oktabr kuni soat 16:30 larda, Mirzo Ulug‘bek tumani, Mustaqillik shox ko‘chasida xizmat olib boryotgan YPX xodimlari A.Yulchiyev hamda N.Jo‘rayevlar tomonidan “Malibu” rusumli avtomobil to‘htatilib, haydovchi, 1987-yilda tug‘ilgan A.S.ning ma’lumotlari planshet yordamida, maxsus dastur orqali tekshirilganda, fuqaro A.S. O‘zbekiston Respublikasi Jinoyat Kodeksining 168-moddasi 1-qismi bilan ayblanib, 2021-yil 15-avgust kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro A.S. Chilonzor tumani IIO FMBga topshirilgan.

Yo‘llarda tekshiruvlar davom etmoqda.