- Joriy yilning 5-oktabr kuni soat 08:45 larda Chilonzor tumanida joylashgan “Erkin” YPX maskanida xizmat olib borayotgan YPX inspektori N.Jumanazarov tomonidan piyoda, 1967-yilda tug‘ilgan N. R. o‘zining turli xatti-harakatlari bilan xodimda shubha uyg‘otganligi sababli to‘xtatilib, xolis va guvohlar ishtirokida tekshirilganda, uning yonidan syellofanga o‘ralgan, yashil rangli, o‘tkir hidli, quritilgan o‘simlik moddalari topilgan.

Mazkur holat yuzasidan tegishli hujjatlar rasmiylashtirilib, fuqaro N. R. va topilgan modda Chilonzor tumani IIO FMBga topshirilgan.

- Joriy yilning 4-oktabr kuni soat 10:00 larda, Bektemir tumani hududida joylashgan “Sharq” YPX maskanida xizmat olib borayotgan YPX xodimlari A.Po‘latov va M.Sharipovlar tomonidan Toshkent viloyatidan Toshkent shahriga kirib kelayotgan, "Lacetti" rusumli avtomobil to‘xtatilib, xolis va guvohlar ishtirokida tekshirilganda haydovchisi 1975-yilda tug‘ilgan R. A. ning cho‘ntagidan, syellofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi R. A. va topilgan modda Bektemir tumani IIO FMBga topshirilgan.

- Joriy yilning 6-oktabr kuni soat 02:30 larda M.Ulug‘bek tumani hududiga xizmatga jalb etilgan YPX xodimlari A.Usmonov va D.Ahmedovlar tomonidan Osiyo ko‘chasi bo‘ylab harakatlanib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganda haydovchi 1996-yilda tug‘ilgan X. I. va yo‘lovchisi 2001-yilda tug‘ilgan X. K. larning yonidan, syellofan paketga solingan, oq rangli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, ushbu fuqarolar va aniqlangan moddalar M.Ulug‘bek tumani IIO FMBga topshirilgan.