Tekshiruvlar davomida:

- 2022-yil 16-oktabr kuni soat 15:55 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari N.Dosimov va D.Payziyevlar tomonidan, Toshkent viloyatidan poytaxtga kirib kelayotgan “Damas” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1995-yilda tugʻilgan X.Sh.ning sumkasidan 30 dona “Tropikamid”, 120 dona “Regapen” va 20 dona “Selofen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro X.Sh. va topilgan vositalar Bektemir tumani IIO FMBga topshirilgan.

- 2022-yil 17-oktabr kuni soat 01:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nugʻmonov va F.Djurayevlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganda yoʻlovchi, 1997-yilda tugʻilgan X.T.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro X.T. va topilgan modda Bektemir tumani IIO FMBga topshirilgan.

- 2022-yil 16-oktabr kuni soat 02:45 larda, Yangihayot tumanida xizmat olib borayotgan YPX xodimlari F.Ostonov va M.Kambarovlar tomonidan, Binokor koʻchasi boʻylab harakatlanib kelayotgan “Kamaz” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1987-yilda tugʻilgan A.A.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va topilgan modda Yangihayot tumani IIO FMBga topshirilgan.

Yoʻllarda tekshiruvlar davom etmoqda...