Текширувлар давомида:

- 2022 йил 16 октябрь куни соат 15:55 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Н.Досимов ва Д.Пайзиевлар томонидан, Тошкент вилоятидан пойтахтга кириб келаётган "Damas" русумли автомобиль тўхтатилиб, холис ва гувоҳлар иштирокида текширилганда, йўловчи, 1995 йилда туғилган Х.Ш.нинг сумкасидан 30 дона “Тропикамид”, 120 дона “Регапен” ва 20 дона “Селофен” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Х.Ш. ва топилган воситалар Бектемир тумани ИИО ФМБга топширилган.

- 2022 йил 17 октябрь куни соат 01:30 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Б.Нуғмонов ва Ф.Джураевлар томонидан, Тошкент вилоятидан пойтахтга кириб келаётган "Nexia" русумли автомобиль тўхтатилиб, холис ва гувоҳлар иштирокида текширилганда йўловчи, 1997 йилда туғилган Х.Т.нинг ёнидан қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро Х.Т. ва топилган модда Бектемир тумани ИИО ФМБга топширилган.

- 2022 йил 16 октябрь куни соат 02:45 ларда, Янгиҳаёт туманида хизмат олиб бораётган ЙПХ ходимлари Ф.Остонов ва М.Камбаровлар томонидан, Бинокор кўчаси бўйлаб ҳаракатланиб келаётган "Камаз" русумли автомобиль тўхтатилиб, холис ва гувоҳлар иштирокида текширилганда, ҳайдовчи, 1987 йилда туғилган А.А.нинг ёнидан қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.А. ва топилган модда Янгиҳаёт тумани ИИО ФМБга топширилган.

Йўлларда текширувлар давом этмоқда...