Tekshiruvlar davomida:

- 2022-yil 26-mart kuni soat 15:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A.Poʻlatov va J.Turaboyevlar tomonidan, poytaxtdan Toshkent viloyati hududiga chiqib ketayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1974-yilda tugʻilgan D.X.ning yonidan yelim idish tagiga yopishtirilgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro D.X. va aniqlangan modda Bektemir tumani IIO FMBga topshirilgan.

- 2022-yil 26-mart kuni soat 07:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari N.Dosimov va B.Nugʻmonovlar tomonidan, poytaxtdan Toshkent viloyati hududiga chiqib ketayotgan, haydovchi, 1990-yilda tugʻilgan M.M. boshqaruvidagi “Lacetti” rusumli avtomobil toʻxtatilib, xolis va guvohlar ishtirokida tekshirilganda, avtomobil yukxonasida tegishli hujjatlari boʻlmagan, jami 162 ta “Frigate” nomli tamaki mahsulotlari olib ketilayotganligi aniqlangan.

Mazkur holat yuzasidan tegishli hujjatlar rasmiylashtirilib, haydovchi M.M. va aniqlangan mahsulotlar Toshkent viloyati bojxona boshqarmasiga topshirilgan.

- 2022-yil 26-mart kuni soat 23:00 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari F.Saidaxmedov va N.Tojiboyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1980-yilda tugʻilgan M.S.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro M.S. Chilonzor tumani IIO FMBga topshirilgan.

Yoʻllarda tekshiruvlar davom etmoqda...