Tekshiruvlar davomida:

- 2022-yil 7-avgust kuni soat 16:45 larda Yangihayot tumanida joylashgan “Yangihayot” blok-postida xizmat olib borayotgan YPX xodimi M.Tojiboyev tomonidan, Toshkent viloyatidan poytaxtga kirib kelayotgan "Nexia" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 2000-yilda tug‘ilgan A.I.ning yonidan qog‘ozga o‘ralgan, jigar rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.I. va topilgan modda Yangihayot tumani IIO FMBga topshirilgan.

- 2022-yil 7-avgust kuni soat 22:15 larda, Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari M.Yo‘ldashev va X.Tashmatovlar tomonidan, Toshkent viloyatidan poytaxtga kirib kelayotgan "Matiz" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 1991-yilda tug‘ilgan S.F.ning sumkasidan 11 dona “Tropikamid” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro S.F. va topilgan vositalar Yangihayot tumani IIO FMBga topshirilgan.

- 2022-yil 8-avgust kuni soat 00:10 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari D.Payziyev va F.Djo‘rayevlar tomonidan, Toshkent viloyatidan poytaxtga kirib kelayotgan, haydovchi, 1997-yilda tug‘ilgan S.S. boshqaruvidagi "Nexia" rusumli avtomobil to‘xtatilib, xolis va guvohlar ishtirokida tekshirilganda, avtomobil salonidan 2 dona syellofanga solingan, oq rangli, o‘tkir hidli, kukunsimon moddalar topilgan. Shuningdek, ushbu avtomobilda bo‘lgan yo‘lovchi, 1994-yilda tug‘ilgan J.M.ning yonidan 1 dona “Tropikamid” va 29 dona “Regapen" nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqarolar va topilgan vositalar Bektemir tumani IIO FMBga topshirilgan.