Poytaxt ko‘chalaridagi tekshiruvlar davomida:

- 2021-yil 1-noyabr kuni soat 20:00 larda Bektemir tumanida joylashgan “Bektemir” YPX maskanida xizmat olib borayotgan YPX xodimlari I.Djumaboyev, Sh.Xolnazarovlar tomonidan, Toshkent viloyati hududidan poytaxtga kirib kelayotgan "Spark" rusumli avtomobil to‘xtatilib tekshirilganida, yo‘lovchi, 1995-yilda tug‘ilgan B.I. turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida fuqaro B.I.ning cho‘ntagidan selofan paketga hamda 2 dona "1000" so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddalari topilgan.

Mazkur holat yuzasidan tegishli hujjatlar rasmiylashtirilib, fuqaro B.I. va aniqlangan moddalar Bektemir tumani IIO FMBga topshirilgan.

- 2021-yil 2-noyabr kuni soat 02:00 larda, yuqorida ko‘rsatilgan YPX xodimlari tomonidan haydovchi, 1989-yilda tug‘ilgan N.R. boshqaruvidagi "Lacetti" rusumli avtomobil to‘xtatilib, xolis va guvohlar ishtirokida tekshirilganida, avtomobil o‘rindiqlari orasidagi “Bar”ning tagidan, gugurt qutisiga solingan, shuningdek "1000" so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddalari topilgan.

Mazkur holat yuzasidan tegishli hujjatlar rasmiylashtirilib, fuqaro N.R. va aniqlangan moddalar Bektemir tumani IIO FMBga topshirilgan.

Yo‘llardagi tekshiruvlar davom etmoqda...