Qabul davomida xizmat faoliyatiga doir masalalar yuzasidan jami 14 ta murojaat kelib tushdi. Shundan 3 tasi joyida ijobiy hal etildi, 1 nafar murojaatchiga batafsil tushuntirish berildi, qolgan 10 ta murojaat esa qo‘shimcha o‘rganishni talab qilgani bois mas’ul rahbarlarga aniq topshiriqlar berilib, belgilangan muddatlarda ijobiy hal etilishi qat’iy nazoratga olindi.

Qabul yakunida xizmat rahbari tomonidan xizmat burchini bajarish chog‘ida halok bo‘lgan serjant Namozov Bahriddin Normaxametovich hamda serjant Lukov Lochinbek Muhammadiyevichlarning oilalariga tashrif buyurdi. Oila a’zolarining holidan xabar olinib, ijtimoiy va moddiy qo‘llab-quvvatlash masalasi bo‘yicha mas’ullarga aniq topshiriqlar berildi. Shuningdek, xizmat davomida ko‘rsatgan fidokorligi va jasorati yodga olinib, marhum xodimlarning oila a’zolariga tegishli huquqiy va ijtimoiy kafolatlar doirasida zarur choralar ko‘rilishi belgilandi.

Yurt tinchligi va fuqarolar xavfsizligi yo‘lida ko‘rsatilgan har bir fidokorlik beqadr qolmaydi, har bir qahramonlik nomi abadiy ehtiromda saqlanadi.