“Oʻzgidromet” xabariga koʻra, 2023-yil 5–10-yanvar kunlari kutilayotgan vaqti-vaqti bilan yogʻingarchilik hamda, havo haroratidagi oʻzgarishlar sababli respublikamizning togʻli hududlarida, jumladan:

Qashqadaryo viloyati: Kitob, Shahrisabz, Qamashi, Dehqonobod tumanlarida;

Surxondaryo viloyati: Qumqoʻrgʻon, Sariosiyo, Uzun, Boysun tumanlarida;

Jizzax viloyati: Zomin, Baxmal tumanlarida;

Toshkent viloyati: Ohangaron, Boʻstonliq tumanlarida va Chotqol tizmasining “Chimyon” togʻlarida;

Namangan viloyati: Pop tumanida;

Fargʻona viloyati: Soʻx, Fargʻona tumanlarida qor koʻchish xavfi eʼlon qilinadi.

Yuqorida keltirilgan hududlarda harakatlanuvchi barcha yoʻl harakati qatnashchilaridan ehtiyotkor boʻlishlarini soʻraymiz.