Tekshiruvlar davomida:

- 2021-yil 28-dekabr kuni soat 16:30 larda, M.Ulug‘bek tumanida xizmat olib borayotgan YPX xodimlari I. Sultonov va R. Nurmatovlar tomonidan, Do‘rmon yo‘li ko‘chasi bo‘ylab harakatlanib kelayotgan "Nexia" rusumli avtomobilga to‘xtash ishorasi berilganda, haydovchi, 1995-yilda tug‘ilgan B. B. YPX xodimining ishorasiga bo‘ysunmasdan harakatda davom etgan.

Ko‘rilgan choralar natijasida avtomobil to‘xtatilgan. Xolis va guvohlar ishtirokidagi tekshiruv mobaynida haydovchi B. B. ning cho‘ntagidan syellofanga o‘ralgan 4 dona, oq rangli, o‘tkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro B. B. va aniqlangan moddalar M.Ulug‘bek tumani IIO FMBga topshirilgan.

- 2021-yil 28-dekabr kuni soat 18:30 larda, Bektemir tumanida joylashgan “Bektemir” YPX maskanida xizmat olib borayotgan, YPX xodimi I. Jumabayev tomonidan, Toshkent viloyatidan poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganida, avtomobil salonidan syellofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi, 1999-yilda tug‘ilgan J. M. va aniqlangan modda Bektemir tumani IIO FMBga topshirilgan.

Yo‘llarda tekshiruvlar davom etmoqda.