Bosh prokuratura huzuridagi Departamentning Tomdi tuman boʻlimi tomonidan IIB xodimlari bilan hamkorlikda oʻtkazilgan tezkor tadbirda fuqaro E.M. (muqaddam sudlangan) fuqaro H.B.ning ishonchiga kirib, unga nisbatan yoʻl harakati qoidalarini buzganlik uchun toʻplangan hujjatlar boʻyicha goʻyoki IIBda ishlovchi tanishlari yordamida uning foydasiga qaror qabul qilib, yuk avtomashinasini va temir quvurlarini jarima maydonidan chiqartirib berishi evaziga 1 500 AQSH dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.