Tadbirga Oʻzbekiston xalqaro islom akademiyasi qoshidagi akademik litsey ijrochi direktori, dotsent F.Rashidov va IIV Malaka oshirish instituti maxsus kasbiy fanlar kafedrasining katta oʻqituvchisi Z.Aliyevalar maʼruzachi sifatida tashrif buyurishdi.

Maʼnaviy-maʼrifiy dars davomida dotsent F.Rashidov YHXB shaxsiy tarkibiga “Soʻz, fikr va axborot erkinligi” mavzusida maʼruza qilib, fikr erkinligining ahamiyati, uning jamiyatdagi oʻrni va huquqiy meʼyorlari haqida batafsil tushuntirib oʻtdilar.

Shuningdek, IIV Malaka oshirish instituti maxsus kasbiy fanlar kafedrasining katta oʻqituvchisi Z.Aliyeva “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi Prezidentimizning PQ-1-sonli qarorining mazmun-mohiyatini tushuntirib, ushbu hujjatning ahamiyati va amaliy tatbiq etilishi yuzasidan ishtirokchilarga keng maʼlumotlar berdilar.

Tadbir soʻnggida ishtirokchilar maʼruzachilarga oʻzlarini qiziqtirgan savollarini berishdi va mavzu yuzasidan fikr almashdilar.