Oʻzbekiston Respublikasi IIV JXD Yoʻl harakati xavfsizligi xizmati hamda Toshkent shahar IIBB JXX Yoʻl harakati xavfsizligi boshqarmasi bilan hamkorlikda joriy yilning 17-iyun kuni Toshkent shahrida oʻtkazilayotgan “Harakat xavfsizligi oyligi” ning tungi xizmati davomida yoʻl harakati ishtirokchilari, bevosita haydovchi va yoʻlovchilar bilan “Xavfsizlik kamari-umr garovi” shiori ostida chellendj oʻtkazilib, ularning yoʻllarda xavfsiz harakatlanishlari va yoʻl harakati xavfsizligi qoidalariga qatʼiy amal qilishlari boʻyicha targʻibot-tashqivot ishlari olib borildi.

Targʻibot tadbiri davomida “Xavfsizlik kamari-umr garovi” shiori ostidagi bukletlar hamda harakat ishtirokchilarini hozirgi davr uchun eng muhim boʻlgan tasdiqlangan maʼlumotlarni birinchilardan boʻlib xabardor qilish maqsadida Oʻzbekiston Respublikasi Ichki ishlar vazirligi JXD Yoʻl harakati xavfsizligi xizmatining rasmiy sahifalari koʻrsatilgan flayerlar tarqatildi.

Tadbir davomida Yoʻl-patrul xizmati inspektorlari va masʼul xodimlar tomonidan avtomobilda harakatlanish davomida xavfsizlik kamaridan foydalangan haydovchi va yoʻlovchilarga minnatdorchilik bildirildi.

Barcha harakat ishtirokchilaridan Toshkent shahrida “Harakat xavfsizligi oyligi” davomida “Xavfsizlik kamari-umr garovi” shiori ostidagi oʻtkazilayotgan chelledjga faol ishtirok etishga chorlab qolamiz. Zero, Sizning hayotingiz biz uchun muhimdir.