Toshkent viloyatida o‘tkazilayotgan “Xavfsiz hudud” tezkor profilaktik tadbiri doirasida YPX xodimlari tomonidan bir kunda uch nafar qidiruvdagi shaxs aniqlandi:

- 2021-yil 23-noyabr kuni Zangiota tumani, Nazarbek MFY hududida xizmat olib borayotgan YPX inspektori Sh. Maxamatov qoidabuzarlik sodir etgan piyodani to‘xtatgan. Elektron tartibda ma’muriy bayonnoma rasmiylashtirish vaqtida, 1970-yilda tug‘ilgan Sh. N. ga nisbatan 2019-yil 1-avgust kuni qidiruv e’lon qilinganligi, O‘zbekiston Respublikasi Jinoyat Kodeksining 122-moddasi (voyaga yetmagan yoki mehnatga layoqatsiz shaxslarni moddiy ta’minlashdan bo‘yin tovlash)da ko‘rsatilib o‘tilgan jinoyatni sodir etganlikda ayblanib, huquqni muhofaza qiluvchi organlardan yashirinib yurganligi aniqlangan.

- 2021-yil 23-noyabr kuni Oqqo‘rg‘on tumanida xizmat olib borayotgan YPX inspektori S. Jumayev piyoda I. Sh. ni qoidabuzarlik sodir etganligi uchun to‘xtatib, elektron tartibda ma’muriy bayonnoma rasmiylashtirish vaqtida ushbu fuqaro ham qidiruvda ekanligi aniqlangan. Oqqo‘rg‘on tumani IIB tomonidan olib borilgan surishtiruvga ko‘ra, Oqqo‘rg‘on tumanida yashovchi ushbu shaxsga nisbatan O‘zbekiston Respublikasi bosh prokuraturasi huzuridagi MIB tomonidan qidiruv e’lon qilinib, 2019-yildan buyon voyaga yetmagan bolalar uchun belgilangan to‘lovni to‘lamasdan, huquqni muhofaza qiluvchi organlardan yashirinib yurganligi aniqlangan.

- 2021-yil 23-noyabr kuni YPX inspektori M. Usmonov Yangiyo‘l shahrida xizmat olib borayotgan vaqtida qoidabuzarlik sodir etgan piyodani to‘xtatgan. Qoidabuzarligi yuzasidan elektron tartibda ma’muriy bayonnoma rasmiylashtirish vaqtida, mazkur fuqaroga nisbatan Jinoyat ishlari bo‘yicha Yangiyo‘l shahar sudi tomonidan qidiruv e’lon qilinganligi aniqlangan. Surishtiruvlarga ko‘ra, Yangiyo‘l shahrida yashovchi 1968-yilda tug‘ilgan K. N. O‘zbekiston Respublikasi Jinoyat kodeksining 131-moddasi 2-qismi (fohishaxona tashkil etish yoki saqlash)da ko‘rsatilgan jinoyatni sodir etganlikda ayblanib, huquqni muhofaza qiluvchi organlardan yashirinib yurganligi aniqlangan.

Qidiruvdagi shaxslarning barchasi hududiy IIBga topshirilgan. Yo‘llarda tekshiruvlar davom etmoqda.