Oʻzbekiston Respublikasi MJtKning 128 prim 1-moddasi, 1-qismida nazarda tutilgan huquqbuzarlik sodir etganligi uchun Namangan viloyati IIB YHXB YPX inspektori D.Sh.Qodirov tomonidan elektron tartibda rasmiylashtirilgan maʼmuriy bayonnoma uchun 900 ming soʻm miqdordagi jarima solish toʻgʻrisidagi qaror qabul qilingan.

Ushbu haydovchi tomonidan 2023-yilning 20-yanvar kuni Oʻzbekiston Respublikasi MJtKning 332 prim 1-moddasiga koʻra 15 kunlik muddatda amalga oshirganligi sababli asosiy toʻlovning 70 foizini, yaʼni 630 ming soʻm jarima miqdorini toʻlagan.

Hozirda yoʻl harakati qoidabuzarliklari uchun toʻlov tizimi markazlashtirilgan holda yagona billing tizimi orqali elektron tartibda amalga oshirilishi yoʻlga qoʻyilgan.

Jarima chiptalarining toʻlov hisob raqamlari Toshkent shahrida joylashgan markaziy bank tomonidan berilishi va toʻlovlar markaziy bankiga kelib tushishini inobatga olgan holda barcha toʻlov chiptalarida avtomat ravishda ushbu manzil kiritiladi.

Huquqbuzarlar qonunchilik normalarida belgilangan muddatlarda jarima miqdorini ixtiyoriy ravishda toʻlashi mumkin.

IIV JXD YHX xizmati ochiqlik va shaffoflik tamoili asosida faoliyat olib borishini maʼlum qilamiz.