Toshkent viloyati avtomobil yoʻllarida davlat raqam belgisi boʻlmagan transport vositalari toʻxtatilib tekshirilganda, ayrim haydovchilar davlat raqam belgisini oʻzboshimchalik bilan yechib harakatlanganligi aniqlangan. Holat tegishli tartibda rasmiylashtirilib, transport vositalari vaqtincha saqlash uchun jarima maydoniga qoʻyilgan.

Oʻzbekiston Respublikasi Maʼmuriy javobgarlik toʻgʻrisidagi Kodeksning 125-moddasi beshinchi qismiga koʻra, davlat raqam belgisi oʻzboshimchalik bilan yechib olingan transport vositalarini boshqarish — BHMning besh baravari miqdorida jarima solishga sabab boʻladi.

Barcha haydovchilardan belgilangan qoidalarga amal qilishlarini soʻraymiz.