Oʻzbekiston Respublikasi Ichki ishlar vazirligi:

- Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda mahalla fuqarolar yigʻinlari hududida fuqarolarning oʻzini oʻzi boshqarish organlariga ajratilgan yer maydonlarida 2022–2024-yillarda “Yoʻl harakatini oʻrganish maydonchalari”ni tashkil etish dasturini ishlab chiqib tasdiqlaydi va ijrosini taʼminlaydi;

- Transport vazirligi, Xalq taʼlimi vazirligi, Oliy va oʻrta maxsus taʼlim vazirligi, Yoshlar ishlari agentligi, Oʻzbekiston Milliy teleradiokompaniyasi bilan birgalikda uch oy muddatda “Yoʻl harakati qoidalarining asoslari” videokurslarini yaratadi va taʼlim muassasalari hamda ommaviy axborot vositalari orqali ommalashtirish choralarini koʻradi;

- Transport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2022–2024-yillarda taʼlim muassasalari atrofida belgilangan tartibda harakat tezligini kamaytiruvchi sunʼiy notekisliklar yoki shovqin chiziqlari bosqichma-bosqich oʻrnatilib, toʻliq jihozlanishini taʼminlaydi.