“Vatanparvar” oʻquv tashkilotiga qarashli avtomaktablarning faoliyatini boshlash boʻyicha litsenziya berildi
“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-816-son Qonunga muvofiq, Ichki ishlar vazirligi avtomototransport vositalari va shahar elektr transporti vositalari haydovchilarini tayyorlash hamda qayta tayyorlashni litsenziyalash boʻyicha vakolatli organ etib belgilangan.
Mazkur vakolat asosida Qashqadaryo va Buxoro viloyatlaridagi “Vatanparvar” oʻquv tashkilotiga qarashli avtomaktablarning faoliyatini boshlash boʻyicha litsenziyalar berildi.
Avtomaktablarning ochilish marosimlari taklif etilgan mehmonlar ishtirokida tantanali tarzda boʻlib oʻtdi.
Shundan soʻng, IIV JXD YHXX boshligʻi polkovnik Sh.Ibragimov hududiy YHXB xodimlari tomonidan amalga oshirilayotgan ishlar bilan tanishib, yoʻl quyilayotgan ayrim kamchiliklar yuzasidan masʼul xodimlarga tegishli koʻrsatmalar berildi.
Yigʻilishlardan soʻng, namunali xizmat qilib kelayotgan YPX xodimlariga IIV JXD Yoʻl harakati xavfsizligi xizmati boshligʻi tomonidan minnatdorchilik bildirildi.