Shu kunlarda qoʻshni Qozogʻiston Respublikasi va Rossiya Federatsiyasida kuzatilayotgan kuchli sovuq tufayli yoʻllarda muzlamalar hosil boʻlib, avtotransport vositalarida texnik nosozliklar kelib chiqishi natijasida yoʻlovchilar qiyin vaziyatlarga tushib qolish holatlari kuzatilmoqda.

Noqulay ob-havo sharoitini inobatga olib, yoʻlovchi tashuvlari xavfsizligini taʼminlash maqsadida Oʻzbekiston Respublikasidan xalqaro yoʻnalishlarda amalga oshiriluvchi muntazam avtobus qatnovlari joriy yil 13-yanvardan vaqtinchalik toʻxtatildi.