Ijtimoiy tarmoqda Buxoro shahrining markaziy koʻchalaridan birida “Lacetti” rusumli, 80K444RA davlat raqam belgili avtomobil haydovchisi xavfli manyovrlar bilan harakatlanib, piyodaga yoʻl bermaganligi holati aks etgan video tarqalib, keng jamoatchilik eʼtirozlariga sabab boʻldi.

Video Buxoro viloyati IIB YHXB xodimlari tomonidan oʻrganilib, oʻzi va atrofdagilar uchun xavfli boʻlgan manyovrlar bilan harakatlangan haydovchi, 2003-yilda tugʻilgan J.J.ga nisbatan belgilangan tartibda maʼmuriy bayonnoma rasmiylashtirildi.

Barcha haydovchilardan qoidalarga rioya qilishlarini soʻraymiz.