Ижтимоий тармоқда Бухоро шаҳрининг марказий кўчаларидан бирида "Lacetti" русумли, 80K444RА давлат рақам белгили автомобиль ҳайдовчиси хавфли манёврлар билан ҳаракатланиб, пиёдага йўл бермаганлиги ҳолати акс этган видео тарқалиб, кенг жамоатчилик эътирозларига сабаб бўлди.

Видео Бухоро вилояти ИИБ ЙҲХБ ходимлари томонидан ўрганилиб, ўзи ва атрофдагилар учун хавфли бўлган манёврлар билан ҳаракатланган ҳайдовчи, 2003 йилда туғилган Ж.Ж.га нисбатан белгиланган тартибда маъмурий баённома расмийлаштирилди.

Барча ҳайдовчилардан қоидаларга риоя қилишларини сўраймиз.