Xorazm viloyati, Urganch shahridagi 2-sonli umumta’lim maktabida viloyatning barcha shahar va tumanlaridan tashrif buyurgan o‘quvchilar ishtirokida "Yashil chiroq" musobaqasi bo‘lib o‘tdi.

Jamoalar safda yurish tayyorgarligi, piyodalarga oid qoidalar, velosipedda harakatlanish, ishoralar orqali tartibga solish, chorraha maketini yasash, birinchi tibbiy yordam ko‘rsatish va yana boshqa bir qator shartlar bo‘yicha baxs olib bordilar.

Yakuniy natijalarga ko‘ra faxrli birinchi o‘rinni Gurlan tumanidagi 18-sonli maktab o‘quvchilari egalladilar. Gʻoliblar va boshqa qatnashchilarga esdalik sovg‘alari topshirildi.