Хоразм вилояти, Урганч шаҳридаги 2-сонли умумтаълим мактабида вилоятнинг барча шаҳар ва туманларидан ташриф буюрган ўқувчилар иштирокида "Яшил чироқ" мусобақаси бўлиб ўтди.

Жамоалар сафда юриш тайёргарлиги, пиёдаларга оид қоидалар, велосипедда ҳаракатланиш, ишоралар орқали тартибга солиш, чорраҳа макетини ясаш, биринчи тиббий ёрдам кўрсатиш ва яна бошқа бир қатор шартлар бўйича бахс олиб бордилар.

Якуний натижаларга кўра фахрли биринчи ўринни Гурлан туманидаги 18-сонли мактаб ўқувчилари эгалладилар. Ғолиблар ва бошқа қатнашчиларга эсдалик совғалари топширилди.