Kuni kecha Uchtepa tumaniga xizmatga jalb qilingan YPX inspektorlari safdor S.Kaxxorov va serjant Sh.Tukliboyev tomonidan Uchtepa tumani Zargarlik koʻchasi Al-Xorazmiy aylanma harakatida harakatlanib kelayotgan “Lasetti” rusumli avtomobil toʻxtatilib, avtomobil haydovchisi: 1995-yilda tugʻilgan, Surxondaryo viloyati, Denov tumani, Qiziljar QFYda roʻyxatda turuvchi J.M. ni planshetdagi mavjud Oʻzbekiston Respublikasi IIV “ABD” tizimidan tekshirilganida, u Oʻzbekiston Respublikasi Jinoyat kodeksining 166-moddasi 3-qismi bilan ayblanib, Oʻzbekiston Respublikasi IIV tomonidan 2021-yilning 29-may kunidan qidiruvda ekanligi aniqlangan.
Ushbu shaxsga nisbatan tegishli hujjatlar rasmiylashtirilib, Uchtepa tumani IIO FMBga topshirilgan.