2022-yil 29-iyul kuni soat 04:30 larda Toshkent shahar, Uchtepa tumanida joylashgan “Nazarbek” blok-postida xizmat olib borayotgan YPX xodimi A.Allayev tomonidan, Toshkent viloyatidan poytaxtga kirib kelayotgan “Malibu” rusumli avtomobil toʻxtatilib, haydovchi, 1992-yilda tugʻilgan N.S.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 2-qismi bilan ayblanib, 2022-yil 10-iyuldan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro N.S. Uchtepa tumani IIO FMBga topshirilgan.