Qarshi shahar hududidan o‘tuvchi A-378 avtomobil yo‘lida xizmat olib borayotgan YHXB xodimi A.Usmonov tomonidan "DAF" rusumli yuk avtomobili to‘xtatilib tekshirilganda, transport vositasining orqa tomoniga o‘rnatilgan davlat raqam belgisi yasama ekanligi ma’lum bo‘lgan. Haydovchiga nisbatan yuqoridagi qoidabuzarlik hamda tegishli hujjatlari to‘liq bo‘lmaganligi yuzasidan ma’muriy bayonnoma rasmiylashtirilib, avtomobil vaqtincha saqlash uchun jarima maydoniga qo‘yilgan.

Ma’lumot uchun, O‘zbekiston Respublikasi Ma’muriy javobgarlik to‘g‘risidagi Kodeksning 125-moddasi 6-qismiga ko‘ra, davlat raqam belgisi yasama yoki o‘zga usullarda o‘zgartirilgan transport vositalarini boshqarish — bazaviy hisoblash miqdorining o‘n baravari miqdorida jarima solishga sabab bo‘ladi.

Barcha haydovchilardan qoidalarga rioya qilishlarini so‘raymiz.