Mototsikl – dvigatelining ish hajmi 50 sm3dan (ichki yonuv dvigateli boʻlganda) va har qanaqa dvigatelda eng yuqori konstruktiv tezligi soatiga 50 kilometrdan oshadigan ikki gʻildirakli va yon tirkamali (kajavali) yoki yon tirkamasiz mexanik transport vositasi.

Tritsikllar, shuningdek, ruxsat etilgan toʻliq vazni 400 kilogrammdan (yuk tashish uchun moʻljallangan transport vositalari uchun 550 kilogrammdan) oshmaydigan, mototsiklga oʻxshash oʻrindiqqa va rulga ega boʻlgan va dvigatelining eng yuqori quvvati 15 kilovattdan oshmaydigan kvadritsikl (kvadrotsikl) hamda boshqa mexanik moslamalar ham mototsikllarga tenglashtiriladi.