Ichki ishlar organlari tizimida oʻtkazilgan “Yosh kitobxon” tanlovi sovrindorlari taqdirlandi. Yoshlar ijod saroyida boʻlib oʻtgan tadbirda Oʻzbekiston Yozuvchilar uyushmasi, Yoshlar ishlari agentligi, Ichki ishlar vazirligi vakillari, maʼnaviyat targʻibotchilari, Yoshlar ittifoqi Toshkent shahar kengashi faollari ishtirok etdi.

Tanlov joriy yilning 22-23-fevral kunlari IIV Akademiyasida oʻtkazilib, unda hududiy bosqichlarda gʻolib boʻlgan oʻttiz nafardan ziyod ishtirokchi qatnashdi. Yosh kitobxonlar “Badiiy asar bilimdoni”, “Tezkor savol-javob” hamda “Buyuk mutafakkir va adib” turlari boʻyicha oʻzaro bellashdilar.

Yakuniy natijalarga koʻra, faxrli birinchi oʻrinni Toshkent viloyati IIBB JXX YHXB katta inspektori, kapitan Azamat Axmatov egalladi (suratda chap tomonda birinchi).