Hayit bayrami arafasida YHXX rahbariyati poytaxtimizda yoʻl infratuzilmasini yaxshilash, yoʻl belgilari va chiziqlarini yangilash, shuningdek, tungi xizmatga jalb etilgan YPX xodimlarining ish faoliyati bilan tanishish maqsadida joylarga tashrif buyurdi.

Oʻrganishlar davomida poytaxtimiz hududida yoʻl harakati xavfsizligini taʼminlash boʻyicha amalga oshirilayotgan ishlar bilan yaqindan tanishib, tegishli mutasaddilarga aniq topshiriq va tavsiyalar berdi. Shuningdek, xizmat olib borayotgan xodimlar bilan suhbatlashib, ularning ish sharoiti, yuzaga kelayotgan muammolar va ularni bartaraf etish yoʻllari boʻyicha fikr almashdi.

Hayit bayrami munosabati bilan poytaxt koʻchalarida xavfsizlik choralarini yanada kuchaytirish va yoʻllarda tirbandliklarning oldini olish boʻyicha mutasaddilarga zarur koʻrsatmalar berildi.