Bugun Ichki ishlar vazirligi Akademiyasida “Yoʻl harakati xavfsizligini taʼminlashda innovatsion yondashuvlar” mavzusida respublika ilmiy-amaliy konferensiyasi boʻlib oʻtdi. Konferensiyada Oʻzbekiston Respublikasi Oliy Majlisi Qonunchilik palatasi Mudofaa va xavfsizlik masalalari qoʻmitasi, Transport vazirligi, Innovatsion rivojlanish vazirligi va boshqa vazirliklar hamda idora va tashkilotlarning masʼul xodimlari, shuningdek jurnalistlar ishtirok etdilar.

Mavzu doirasida yoʻl harakati xavfsizligini taʼminlash borasida bugungi kunga qadar amalga oshirilgan ishlar haqida soʻz yuritilib, kelgusidagi rejalar va takliflar turli infografikalar va videoroliklar orqali namoyish etildi. Zamonaviy qurilmalardan foydalanish, qulay dasturlarni ishlab chiqish orqali raqamlashtirishni yanada jadallashtirish kabi takliflar bildirildi.