Ijtimoiy tarmoqda "Nexia-3" rusumli avtomobil haydovchisi svetoforning harakatni taqiqlovchi qizil chirog‘ida harakatlanganligi aks etgan video tarqaldi va keng jamoatchilik muhokamalariga sabab bo‘ldi.

Video yuzasidan Toshkent shahar IIBB JXX YHXB xodimlari tomonidan surishtiruv olib borilib, "Nexia-3" rusumli, 01L584RB davlat raqam belgili avtomobil haydovchisi, 2001-yilda tug‘ilgan A. I. ga nisbatan belgilangan tartibda chora ko‘rildi. Tekshiruv davomida ushbu transport vositasi ruxsatsiz qayta jihozlanganligi ham aniqlanib, avtomobil vaqtincha saqlash uchun jarima maydoniga qo‘yildi.

Barcha haydovchilardan yo‘llarda qoidalarga rioya etgan holda harakatlanishlarini so‘raymiz.