Ижтимоий тармоқда "Nexia-3" русумли автомобиль ҳайдовчиси светофорнинг ҳаракатни тақиқловчи қизил чироғида ҳаракатланганлиги акс этган видео тарқалди ва кенг жамоатчилик муҳокамаларига сабаб бўлди.

Видео юзасидан Тошкент шаҳар ИИББ ЖХХ ЙҲХБ ходимлари томонидан суриштирув олиб борилиб, "Nexia-3" русумли, 01L584RB давлат рақам белгили автомобиль ҳайдовчиси, 2001 йилда туғилган А.И.га нисбатан белгиланган тартибда чора кўрилди. Текширув давомида ушбу транспорт воситаси рухсатсиз қайта жиҳозланганлиги ҳам аниқланиб, автомобиль вақтинча сақлаш учун жарима майдонига қўйилди.

Барча ҳайдовчилардан йўлларда қоидаларга риоя этган ҳолда ҳаракатланишларини сўраймиз.