Joriy yilning 12 fevral kunidan boshlab Toshkent shahar IIBB YHXB YPX brigadasi maxsus divizion xodimlariga sinov tariqasida turli mavsumlarga moslashtirilgan maxsus xizmat kiyimlari berilmoqda.
Hozirgi kunda bu xizmat kiyimlari sinovdan o'tkazilayotgan bo'lib, ularning engilligi, qulayligi, respublikamiz iqlimiga mosligi, qishki mavsumda qorli va yomg'irli kunlarda suv o'tkazmaydigan matodan tikilganligi, qishki xizmat kiyimining ichki qismi issiq saqlovchi mato bilan qoplanganligi bilan ajralib turadi.
Ushbu hizmat kiyilarida YPX xodimlariga xizmat olib borishda bir qator qulayliklar yaratilgan. Masalan: tabiiy matolardan tikilganligi, ranglarining uzoq vaqt saqlanishi, xizmat anjomlarini joylashtirish (epikirovka) uchun maxsus kamar, nur qaytaruvchi tasmalar, xizmat kiyimining orqa qismida xizmat turini bildiruvchi "YPX" yozuvi mavjud.
Ushbu xizmat kiyimi YPX xodimlariga sinov tariqasida berilganligi va kelgusida xizmat kiyimlarida xizmatni tashkil etish belgilanganligi sababli bu xizmat kiyimlari bo'yicha taklif va muloxazalaringizni kutib qolamiz.

O'zbekiston Respublikasi IIV YHXBB axborot xizmati