Toshkent shahar hokimligi Matbuot xizmatining xabariga koʻra, 2022-yil 19-mart kuni soat 21:00 dan 20-mart kuni soat 06:00 ga qadar yoʻl taʼmirlash ishlari olib borilishi munosabati bilan poytaxtda Alisher Navoiy shoh va Labzak koʻchalarining quyidagi qismlari vaqtincha yopiladi:

- Navoiy shoh koʻchasi Abay koʻchasi chorrahasidan Sharof Rashidov shoh koʻchasi chorrahasigacha;

- Labzak koʻchasi Alisher Navoiy shoh koʻchasi bilan kesishmasidan Abdulla Qodiriy koʻchasi bilan kesishmasigacha.

Ushbu vaqt oraligʻida haydovchilarga aylanma yoʻllardan foydalanish tavsiya etiladi.

Barcha haydovchilardan tartibga soluvchilarning ishoralariga, yoʻl belgilari va chiziqlarining talablariga qatʼiy rioya qilishlarini soʻraymiz.