Poytaxt ko‘chalarida YPX xodimlari tomonidan tekshiruv davomida:

2021-yil 25-oktabr kuni soat 23:00 larda Uchtepa tumanida xizmat olib borayotgan Toshkent shaxar IIBB YHXB YPX xodimlari Z.Axmedov, A.Nozimjonov, D.Pirovlar tomonidan, Shirin ko‘chasi bo‘ylab harakatlanib kelayotgan "Lacetti" rusumli avtomobil to‘xtatilib xolis va guvohlar ishtirokida tekshirilganida haydovchi, 1996-yilda tug‘ilgan S.N.ning yonidan 13 dona “Travmadol-Lannaxer” va 1 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro S.N. va aniqlangan moddalar Uchtepa tumani IIO FMBga topshirilgan.

2021-yil 25-oktabr kuni soat 00:05 larda M.Ulug‘bek tumanida xizmat olib borayotgan YPX xodimlari F.Mirzajonov va D.Axmedovlar tomonidan, Shahrisabz ko‘chasi bo‘ylab harakatlanib kelayotgan, "Lacetti" rusumli avtomobil to‘xtatilib tekshirilganda, haydovchi 1989-yilda tug‘ilgan V.Ch. ko‘rinishi va turli xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruvlar davomida haydovchi V.Ch.ning yonidan 2 dona "Tropikamid", 5 dona “Lirika” va 2 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro V.Ch. va aniqlangan moddalar M.Ulug‘bek tumani IIO FMBga topshirilgan.